ନୂଆଦିଲ୍ଲୀ: ମୋଦି ସରକାର ସୋମବାର ପାନ୍ ୨.୦ ପ୍ରକଳ୍ପ ଆରମ୍ଭ କରିବାକୁ ଘୋଷଣା କରିଛନ୍ତି । ଏହାର ଉଦ୍ଦେଶ୍ୟ ହେଉଛି ସ୍ଥାୟୀ ଆକାଉଣ୍ଟ ନମ୍ବର (ପ୍ୟାନ୍)କୁ ସରକାରୀ ଏଜେନ୍ସିଗୁଡ଼ିକର ସମସ୍ତ ଡିଜିଟାଲ ସିଷ୍ଟମ୍ ପାଇଁ ସାଧାରଣ ବ୍ୟବସାୟ ପରିଚୟପ୍ରଦାନକାରୀ କରିବା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଅର୍ଥନୈତିକ ବ୍ୟାପାର ସଂକ୍ରାନ୍ତ କ୍ୟାବିନେଟ୍ କମିଟି (ସିସିଇଏ) ଆୟକର ବିଭାଗର ୧,୪୩୫ କୋଟି ଟଙ୍କାର ଆର୍ଥିକ ବ୍ୟୟ ଅଟକଳ ସହିତ ପାନ୍ ୨.୦ ପ୍ରକଳ୍ପକୁ ଅନୁମୋଦନ କରିଛି।
ସୂଚନା ଓ ପ୍ରସାରଣ ମନ୍ତ୍ରୀ ଅଶ୍ବିନୀ ବୈଷ୍ଣବ କହିଛନ୍ତି ଯେ ଏହି ପ୍ରକଳ୍ପ ଟିକସଦାତା ପଞ୍ଜୀକରଣ ସେବାରେ ଟେକ୍ନୋଲୋଜି ଭିଭିକ ପରିବର୍ତ୍ତନ ଆଣିବାରେ ସକ୍ଷମ ହୋଇଛି। ଉନ୍ନତ ମାନର ସେବାକୁ ସହଜରେ ଉପଲବ୍ଧ କରାଇବା ଏବଂ ଶୀଘ୍ର ସେବା ପ୍ରଦାନ କରିବା ଏହାର ଲକ୍ଷ୍ୟ ।
ଏକ ସରକାରୀ ବିବୃତ୍ତି ଅନୁଯାୟୀ, ପାନ୍ ୨.୦ ପ୍ରକଳ୍ପ ସରକାରୀ ଏଜେନ୍ସିଗୁଡ଼ିକର ସମସ୍ତ ଡିଜିଟାଲ ସିଷ୍ଟମ୍ ପାଇଁ ଏକ ସାଧାରଣ ପରିଚୟକାରୀ ଭାବରେ ପାନ୍ ବ୍ୟବହାର କରିବାରେ ସକ୍ଷମ କରିବ ଯାହା ଡିଜିଟାଲ୍ ଇଣ୍ଡିଆରେ ଥିବା ସରକାରଙ୍କ ଦୃଷ୍ଟିକୋଣ ସହିତ ସମାନ। ଟିକସଦାତାଙ୍କ ପାଇଁ ଉନ୍ନତ ଡିଜିଟାଲ ଅଭିଜ୍ଞତା ପାଇଁ ପାନ୍ /ଟିଏଏନ୍ ସେବାର ଟେକ୍ନୋଲୋଜି ଦ୍ବାରା ପରିଚାଳିତ ପରିବର୍ତ୍ତନ ମାଧ୍ୟମରେ ଟିକସଦାତା ପଞ୍ଜୀକରଣ ସେବାର ବ୍ୟବସାୟିକ ପ୍ରକ୍ରିୟାକୁ ପୁନଃଇଞ୍ଜିନିୟରିଂ କରିବା ପାଇଁ ଏହି ପ୍ରକଳ୍ପ ଏକ ଇ- ଗଭର୍ଣ୍ଣାନ୍ସ ପ୍ରକଳ୍ପ ଅଟେ ।
ଏହା ବର୍ତ୍ତମାନର ପାନ୍ /ଟିଏଏନ୍ ୧.୦ ଫ୍ରେମୱାର୍କର ଉନ୍ନତିକରଣ ହେବ ଯାହା ପାନ୍ ଯାଞ୍ଚ ସେବାକୁ କୋର୍ ଏବଂ ଅଣ-କୋର ପାନ୍ l ଟିଏଏନ୍ କାର୍ଯ୍ୟକଳାପ ସହିତ ସମନ୍ବିତ କରିବ । ବର୍ତ୍ତମାନ ପାଖାପାଖ୍ ୭୮ କୋଟି ପାନ୍ ଜାରି କରାଯାଇଛି। ସେଥ୍ମଧ୍ୟରୁ ୯୮ ପ୍ରତିଶତ ପାନ୍ ବ୍ୟକ୍ତିବିଶେଷଙ୍କ ଦ୍ବାରା ଜାରି କରାଯାଇଛି।
