ମେଷ – ଆଜି ଲାଭଭାବସ୍ଥ ଚନ୍ଦ୍ର ହେତୁ ଆବଶ୍ୟକତା ପୂରଣ ହେବାରେ କୌଣସି ଅସୁବିଧା ରହିବନାହିଁ। ଦୁର୍ବଳତାରୁ ସ୍ବାସ୍ଥ୍ୟରେ ସାମାନ୍ୟ ବ୍ୟତିକ୍ରମ ଦେଖା ଦେଇପାରେ। ବନ୍ଧୁଙ୍କ ସାହାଯ୍ୟରୁ ଆର୍ଥିକ ସ୍ବଚ୍ଛଳତା ଫେରି ପାଇବେ। ସାହିତ୍ୟ, ସାମ୍ବାଦିକତା, ପ୍ରଶାସନିକସେବା, କ୍ରୀଡ଼ା ଓ ଚଳଚ୍ଚିତ୍ର କ୍ଷେତ୍ରରୁ ପ୍ରଶଂସା ମିଳିବ।
ବୃଷ – ଶୁକ୍ରଙ୍କ ପ୍ରଭାବରୁ ଦୈହିକ ଓ ମାନସିକ ସ୍ତରରେ ଉତ୍ସାହିତ ରହିବେ। ବନ୍ଧୁଙ୍କ ପରାମର୍ଶ ଅନୁଯାୟୀ କାମ କଲେ ଆଶା ପୂରଣ କରିପାରିବେ। କିନ୍ତୁ ଶିଳ୍ପ, ବାଣିଜ୍ୟ, ବ୍ୟବସାୟରେ ସମସ୍ୟା କିମ୍ବା ପ୍ରତିବନ୍ଧକ ସୃଷ୍ଟି ହୋଇପାରେ। ସନ୍ଦେହ ଓ ଭୁଲ୍ ବୁଝାମଣାରୁ ପାରିବାରିକ କ୍ଷେତ୍ରରେ ଶାନ୍ତିଭଙ୍ଗ ହେବାର ସୂଚନା ରହିଛି।
ମିଥୁନ – ବୁଧ ଧନାଧିପ ଦୃଷ୍ଟିରେ ରହିଥିବାରୁ ଅର୍ଥ ସମ୍ପର୍କିତ ବିବାଦରେ ସମ୍ପର୍କୀୟମାନେ ଶତ୍ରୁତା କରିପାରନ୍ତି। ଅତୀତ ଘଟଣାକୁ କେନ୍ଦ୍ରକରି ପରିବାରରେ ବିବାଦୀୟ ପରିସ୍ଥିତି ଲାଗିରହିପାରେ। ସାମାଜିକ ସ୍ତରରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାକୁ ପଡିପାରେ। ସରକାରୀ କ୍ଷେତ୍ରରୁ ଆଶା କରିଥିବା ଅର୍ଥ, ଆଦେଶପତ୍ର ପ୍ରଭୃତିରୁ ଉପକୃତ ହେବେ।
କର୍କଟ – ତୃତୀୟସ୍ଥ କେତୁ ପ୍ରଭାବରେ ମତାନ୍ତରଜନିତ ଆତ୍ମୀୟଙ୍କ ସହ ସୁସମ୍ପର୍କ ରହି ନ ପାରେ। କର୍ମକ୍ଷେତ୍ରରେ କାମଗୁଡିକ ସୁରୁଖୁରୁରେ ସମ୍ପନ୍ନ ହେବା ସହିତ ବ୍ୟବସାୟରେ ସଫଳତା ହାସଲ କରିବେ। ଆବଶ୍ୟକତା କାରଣରୁ ଘରର ବରାଦ ଅନୁଯାୟୀ ବିଳାସ ଉପକରଣ କିଣିପାରନ୍ତି। ସ୍ବାସ୍ଥ୍ୟ ସମସ୍ୟା ନିୟନ୍ତ୍ରଣାଧୀନ ରହିପାରେ।
ସି˚ହ – ଦ୍ୱାଦଶରେ ରବି ଓ ଶୁକ୍ର ରହିଥିବା କାରଣରୁ ବନ୍ଧୁଙ୍କ ଅନୁରୋଧ ରକ୍ଷାକରି ଦୂରଯାତ୍ରା କରିବାକୁ ପଡିପାରେ। ପକ୍ଷପାତିତାକୁ କେନ୍ଦ୍ରକରି ଘରୋଇ ସମସ୍ୟା ହେତୁ ମାନସିକ ଶାନ୍ତି ବ୍ୟାହତ ହେବ। ବ୍ୟବସାୟ କ୍ଷେତ୍ରରେ ମିତ୍ର ବନ୍ଧୁମାନେ ଆବଶ୍ୟକ ସହଯୋଗ କରିପାରନ୍ତି। ସାମାଜିକ ସ୍ତରରେ ଦୀର୍ଘ ଦିନରୁ ଚାହୁଁଥିବା ସୁଯୋଗ ହାତଛଡା ହୋଇପାରେ।
କନ୍ୟା
ରବିକ୍ଷେତ୍ରସ୍ଥ ବୁଧ ହେତୁ କର୍ମକ୍ଷେତ୍ରରେ ପଦସ୍ଥବ୍ୟକ୍ତିଙ୍କ ସାନ୍ନିଧ୍ୟଲାଭ କରିପାରନ୍ତି। ପରିବାରର ସାଧାରଣ କଥାକୁ ଜଟିଳ ଆକାରରେ ଗ୍ରହଣ କରି ବ୍ୟସ୍ତତା ପ୍ରକାଶ କରିବେ। କର୍ମକ୍ଷେତ୍ରରେ ଅଭାବନୀୟ ପରିସ୍ଥିତି ମଧ୍ୟରେ କାମ କରିବାକୁ ବାଧ୍ୟ ହୋଇପାରନ୍ତି। ବନ୍ଧୁମିଳନ, ଆନୁଷ୍ଠାନିକ କାମ, ପରିବହନ ଓ ସଭାସମିତିରେ ପ୍ରଶଂସିତ ହେବେ।
ତୁଳା – ଆଜି ରାଶ୍ୟାଧିପ ଏକାଦଶାଧିପତି ସହିତ ରହିଥିବାରୁ ପ୍ରତ୍ୟେକ କାମ ସହଜ ଓ ସୁବିଧାରେ ସମ୍ପନ୍ନ ହୋଇପାରିବ। କିନ୍ତୁ ଶିଳ୍ପ, ବାଣିଜ୍ୟ, ପରିବହନ ଓ ବ୍ୟବସାୟରେ ସମସ୍ୟା ଦେଖା ଦେଇପାରେ। ବନ୍ଧୁଙ୍କ ମାଧ୍ୟମରେ ଅଫିସ୍ରେ ଅପ୍ରୀତିକର ପରିସ୍ଥିତିକୁ ନିୟନ୍ତ୍ରଣ କରିପାରିବେ। ନିଜ ପରିବେଶର କୌଣସି ଘଟଣା ମନକୁ ବିବ୍ରତ କରିପାରେ।
ବିଛା – ଶନି ଯୁକ୍ତ ଚନ୍ଦ୍ରଜନିତ ଭାବପ୍ରବଣତାରେ ଭାସିଯାଇ ମନ ଉତ୍ଫୁଲ୍ଲିତ ରହିବ। ଜମିଜମା କିଣା ବିକା କ୍ଷେତ୍ରରେ ସତର୍କ ନ ହେଲେ ଠକାମିରେ ପଡିପାରନ୍ତି। ପ୍ରତିଯୋଗିତା କିମ୍ବା ପ୍ରତିଦ୍ୱନ୍ଦ୍ୱିତା କ୍ଷେତ୍ରରେ ସମସ୍ୟା ଦୂର ହୋଇପାରେ। ପରିବାର ଭିତରେ ପୁରୁଣା କଥାକୁ ବେଶି ଦୋହରାଇବା ଠିକ୍ ହେବନି।
ଧନୁ – ଚତୁର୍ଥସ୍ଥ ରାହୁ ଯୋଗୁ ଅସାବଧାନତା କାରଣରୁ ଶାରୀରିକ ଆଘାତ ଆଶଙ୍କା ରହିଛି। ପରିବାରରେ ଘଟିଯାଇଥିବା ଅତୀତ ଘଟଣାକୁ ସ୍ମରଣ କରି ଅନୁତାପ କରିପାରନ୍ତି। ସାମାଜିକ ସ୍ତରରେ ମିଥ୍ୟାଭିଯୋଗ ସକାଶେ ଅନ୍ୟ ଉପରେ ବିରକ୍ତି ପ୍ରକାଶ କରିବେ। ଆର୍ଥିକ ଅଭିବୃଦ୍ଧି ସହିତ ବିଳାସ ଉପକରଣ କ୍ରୟ କରିପାରନ୍ତି।
ମକର – ଚନ୍ଦ୍ରଙ୍କ ପ୍ରଭାବରୁ ପରିବାରରେ ଅନୁରାଗ, ବ୍ୟବସାୟରେ ସଫଳତା, ଯାତ୍ରରେ ଆଶା ପୂରଣ ହେତୁ ଖୁସି ରହିବେ। ପ୍ରତ୍ୟେକ କ୍ଷେତ୍ରରେ ସାହାଯ୍ୟ ସହଯୋଗର ଅଭାବ ରହିବ ନାହିଁ। ଅତୀତ ଘଟଣାକୁ କେନ୍ଦ୍ରକରି ଆତ୍ମୀୟଙ୍କ ସହ ସମ୍ପର୍କହାନି ଯୋଗୁ ଚିନ୍ତା ପ୍ରକଟ କରିବେ। ବାକି ରହିଥିବା ଅର୍ଥ ଆଦାୟ କରିବାରେ ସକ୍ଷମ ହେବେ।
କୁମ୍ଭ – ରାଶ୍ୟାଧିପତି ସ୍ବଗୃହରେ ଚନ୍ଦ୍ର ସହ ଥିବାରୁ ହାତକୁ ନେଇଥିବା କାମଟି ବିଳମ୍ବରେ ସମ୍ପନ୍ନ ହେବ। ରବି ଓ ଶୁକ୍ରଙ୍କ ସଂଯୋଗରୁ ସାଧାରଣ କଥାକୁ କେନ୍ଦ୍ରକରି ପରିବାରରେ ଝଡ଼ ଉଠିପାରେ। ବନ୍ଧୁଙ୍କ କଥାରେ ପ୍ରଭାବିତ ହୋଇ କୌଣସି ଭୁଲ୍ କାମ କରିପାରନ୍ତି। ବ୍ୟବସାୟିକ ସ୍ଥିତି ବହୁତ ଭଲ ରହିବ କିନ୍ତୁ ପରିବହନରେ କ୍ଷତିଗ୍ରସ୍ତ ହେବେ।
ମୀନ – ରାଶିରେ ରାହୁ ଏବଂ ଭାଗ୍ୟସ୍ଥାନକୁ ଗୁରୁ ଦୃଷ୍ଟି ଯୋଗୁ ଆଜିର ପ୍ରତ୍ୟୁଷ ଯାତ୍ରା ଫଳପ୍ରଦ ହେବ। ଜଣେ ଅଜଣା ବନ୍ଧୁଙ୍କ ସାହାଯ୍ୟ ସବୁଦିନ ସକାଶେ ସ୍ମରଣୀୟ ରହିଯାଇପାରେ । କିନ୍ତୁ ସ୍ବାସ୍ଥ୍ୟ ପ୍ରତି ଅଣଦେଖା କରିବାଦ୍ୱାରା ବହୁମୂଲ୍ୟ ଦେବାକୁ ପଡିପାରେ । ଅପ୍ରିୟ ସତ୍ୟଭାଷଣରୁ ଦୂରେଇ ରହିବା ଭଲ ହେବ ନତୁବା ମତାନ୍ତରର ଆଶଙ୍କା ରହିଛି ।
